FEGAMP
Abadín Abegondo Agolada Alfoz Allariz Ames Amoeiro Antas de Ulla Aranga Arbo Ares Arnoia, A Arteixo Arzúa Avión Bóveda Baña, A Baños de Molgas Baiona Baleira Baltar Bande Baralla Barbadás Barco de Valdeorras, O Barreiros Barro Beade Beariz Becerreá Begonte Bergondo Betanzos Blancos, Os Boborás Boimorto Boiro Bola, A Bolo, O Boqueixón Brión Bueu Burela Cañiza, A Cabana de Bergantiños Cabanas Caldas de Reis Calvos de Randín Camariñas Cambados Cambre Campo Lameiro Cangas Capela, A Carballeda de Avia Carballeda de Valdeorras Carballedo Carballiño, O Carballo Cariño Carnota Carral Cartelle Castrelo de Miño Castrelo do Val Castro Caldelas Castro de Rei Castroverde Catoira Cedeira Cee Celanova Cenlle Cerceda Cerdedo Cerdido Cervantes Cervo Chandrexa de Queixa Chantada Coirós Coles Corcubión Corgo, O Coristanco Cortegada Coruña, A Cospeito Cotobade Covelo Crecente Cualedro Culleredo Cuntis Curtis Dodro Dozón Dumbría Entrimo Esgos Estrada, A Fene Ferrol Fisterra Folgoso do Courel Fonsagrada, A Forcarei Fornelos de Montes Foz Frades Friol Gomesende Gondomar Grove, O Guarda, A Gudiña, A Guitiriz Guntín Illa de Arousa, A Incio, O Irixo, O Irixoa Láncara Lalín Lama, A Laracha, A Larouco Laxe Laza Leiro Lobeira Lobios Lourenzá Lousame Lugo Mañón Maceda Malpica de Bergantiños Manzaneda Marín Maside Mazaricos Meaño Meira Meis Melón Melide Merca, A Mesía Mezquita, A Miño Moaña Moeche Mondariz Mondariz-Balneario Mondoñedo Monfero Monforte de Lemos Montederramo Monterrei Monterroso Moraña Mos Muíños Mugardos Muras Muros Muxía Narón Navia de Suarna Neda Negreira Negueira de Muñiz Neves, As Nigrán Nogais, As Nogueira de Ramuín Noia Oímbra Oia Oleiros Ordes Oroso Ortigueira Ourense Ourol Outeiro de Rei Outes Oza-Cesuras Páramo, O Paderne Paderne de Allariz Padrón Padrenda Palas de Rei Pantón Parada de Sil Paradela Pastoriza, A Pazos de Borbén Pedrafita do Cebreiro Pereiro de Aguiar, O Peroxa, A Petín Piñor Pino, O Pobra de Trives, A Pobra do Brollón, A Pobra do Caramiñal, A Poio Pol Ponte Caldelas Ponteareas Ponteceso Pontecesures Pontedeume Pontedeva Pontenova, A Pontes, As Pontevedra Porqueira, A Porriño, O Portas Porto do Son Portomarín Punxín Quintela de Leirado Quiroga Rábade Rúa, A Rairiz de Veiga Ramirás Redondela Riós Rianxo Ribadavia Ribadeo Ribadumia Ribas de Sil Ribeira Ribeira de Piquín Riotorto Rodeiro Rois Rosal, O Rubiá Sada Salceda de Caselas Salvaterra de Miño Samos San Amaro San Cibrao das Viñas San Cristovo de Cea San Sadurniño San Xoán de Río Sandiás Santa Comba Santiago de Compostela Santiso Sanxenxo Sarreaus Sarria Saviñao, O Silleda Sober Sobrado Somozas, As Soutomaior Taboada Taboadela Teixeira, A Teo Toén Tomiño Toques Tordoia Touro Trabada Trasmiras Trazo Triacastela Tui Val do Dubra Valadouro, O Valdoviño Valga Vedra Veiga, A Verín Verea Viana do Bolo Vicedo, O Vigo Vila de Cruces Vilaboa Vilagarcía de Arousa Vilalba Vilamarín Vilamartín de Valdeorras Vilanova de Arousa Vilar de Barrio Vilar de Santos Vilardevós Vilariño de Conso Vilarmaior Vilasantar Vimianzo Viveiro Xermade Xinzo de Limia Xove Xunqueira de Ambía Xunqueira de Espadanedo Zas

Novas FEGAMP-Federación Galega de Municipios e Provincias-Galicia-España

Gabinete de comunicación
20-02-2013

A Fegamp presentará alegacións ao anteproxecto de reforma da administración local

Rey Varela: ”A normativa salarial non só non xera aforro senón que abre a porta a un maior gasto”

SANTIAGO. A Comisión Executiva da Fegamp acordou na súa reunión desta mañá a presentación de alegacións ao Anteproxecto de Lei de Reforma da Administración Local. A pesar das diferenzas existentes entre os tres grupos políticos representados na Federación, a Presidencia comprometeuse a buscar “puntos comúns” que manteñan a defensa dos intereses do municipalismo galego “como viñemos facendo de maneira inequívoca desde que tivemos coñecemento do primeiro borrador”.
Segundo José Manuel Rey Varela, presidente da Fegamp e alcalde de Ferrol, “entendemos que é un novo punto de partida que clarifica algunhas competencias, pero o documento do Ministerio pode e debe ser mellorado para dar resposta aos problemas da administración local”. Para o máximo responsable do municipalismo galego, “o texto precisa dalgunhas matizacións”, que serán as que achegue a Fegamp no trámite de alegacións aberto polo Ministerio. “É importante que o Ministerio recolla as achegas dos representantes dos concellos así como das comunidades como a nosa, que teñen competencias recoñecidas na materia”, insistiu Rey Varela.
En concreto, a Fegamp volverá incidir nas particularidades do territorio galego, que reúne á metade dos núcleos de poboación de toda España, unha realidade que repercute de forma directa no custo de prestación dos servizos públicos. Ademais, reclamará novamente unha delimitación clara das competencias de concellos, deputacións e comunidades autónomas, que resolva posibles escenarios de confusión. Por último, reclamará unha reforma do modelo de financiamento local, que mellore a capacidade económica dos concellos sen ter que baleiralos de competencias.
A Fegamp, coherente coa postura que mantivo desde o inicio deste debate, defende unha regulación das retribucións dos alcaldes, pero sempre dentro duns parámetros de equidade e xustiza, que non degrade a actividade política municipal e que permita o desenvolvemento da mesma, especialmente nos pequenos concellos. “Traballaremos para fixar un mínimo de retribucións digno, homologable con outros cargos das administracións públicas”, a mesma filosofía que inspirou no seu día os traballos sobre salarios que a Fegamp realizou para Galicia. Neles, os alcaldes dos municipios de menor poboación equiparaban as súas retribucións aos dun xefe de servizo da Xunta.
Segundo datos da Fegamp, en Galicia só o 11,49% dos electos (438 concelleiros ou alcaldes) percibe unha dedicación exclusiva do seu concello, e un 6,40% (240) unha retribución parcial. É dicir, máis de 3.200 electos galegos traballan polos seus veciños sen percibir contía algunha. Por tanto, a realidade galega é que alcaldes e concelleiros xa están por baixo do 18% que o Goberno quere establecer como media para todo o Estado. É máis, a nova normativa que recolle o Anteproxecto de Lei para dedicacións exclusivas e persoal de gabinete non só non xeraría máis aforro en Galicia, senón que abriría a porta a un maior gasto en órganos de goberno e asesores. A día de hoxe, o 94% dos concellos galegos (297) xa cumpren coas restricións que imporía a norma estatal. “Isto demostra que a gran maioría dos alcaldes de Galicia xa actúan con responsabilidade e rigor na xestión dos recursos dos seus veciños”, subliñou Rey Varela, “e que a reforma non coñece a realidade dalgúns concellos”.
A Fegamp lembra ademais que as entidades locais apenas supoñen o 4% do déficit das administracións públicas en España, polo que “está fóra de toda dubida o seu compromiso coa estabilidade e a austeridade”, insistiu o presidente da Federación. A intención da Fegamp é que as alegacións poidan ser presentadas xa a próxima semana ante a FEMP e a Secretaría de Estado de Administracións Públicas, dentro do prazo de quince días que deu o Ministerio.

Preferentes

Ademais, a Comisión Executiva da Fegamp aprobou hoxe unha moción sobre o problema do fraude das participacións preferentes. Acordado polo tres grupos políticos, nela incídese na necesidade de que se manteña a vía da arbitraxe como mecanismo para que os afectados poidan recuperar os seus aforros.
Nesta liña, pídese á Xunta “o incremento do número de árbitros e de medios humanos e materiais para facilitar a resolución das arbitraxes”. Así, ínstase ao FROB, ao Bando de España, ao Ministerio de Economía e a Comisión Europa a que os afectados polas preferentes e subordinadas de NGB Banco “non teñan que sufrir quitas”, empregando para iso “os medios ao seu alcance e as modificacións normativas necesarias”.

Descargas